Hausten i Sunndal har vore over evne vakker i år! Søndag 14. oktober - første vinterdag - vart det mesta 25 grader og full snøsmelting i fjellet. Eg tok ein runde rundt på Grøa.
 |
| Fossen Vinnu sett frå garden Leangen på motsatt side av Driva. |
I går var ein slik dag eg kunne tenke at å bu i eit rike av fossar er ekte magi! Håpar du får litt inntrykk av det i desse bilda.
Eg har vel sjeldan sett fossen Vinnu så vill og flott som i går. Ut over dagen vaks fossen seg større og større. Bildet under her er tatt i 11-tida om føremiddagen.
Det tok litt tid før eg hadde tid til å komme meg ut på tur - det hadde faktisk begynt å regne, og skodda seig sakte på.
Der stien opp til Vinnu startar, var det flaum, men heldigvis ikkje verre enn at det gjekk an å gå forbi. Så då vart det ein superrask tur opp til det nedste fallet ved fossen, der Stikk ut-postkassa er, tok nokre raske bilde før eg mesta spurta ned att.
 |
| Under det nedste fallet ved Vinnu - rett ved turpostkassa. |
 |
| Ville Vinnu! |
Skorga er naboelv til både Vinnu og meg sjølv. Eg har flott utsikt til elva frå soveromsvindauget. I helga var den eit prektig syn. Dette bildet er vel å merke tatt laurdag - søndag var ho endå større.
Eg har vel knappast sett det vere noko særleg til vatn i elva til høgre. Litt er det, for eg hugsar at eg drakk der langt oppe i lia på veg til/ frå Litlkalkinn, men søndag var det meir vatn enn normalt. Sidan dalen heiter Litlhareimdalen, kan det hende elva heiter Litlhareima? Nokon som veit?
 |
| Hareima til venstre og "Litlhareima" til høgre. |
 |
| Bildet tatt på brua over frå gartneriet til eine Grødal-garden. |
Ingen kommentarer:
Legg inn en kommentar