Eg gøymer sorgene i livet mitt

Eg gøymer sorgene

i livet mitt

Eg vil ikkje vite av dei,

men dei går ikkje frå meg

Eg knugar dei 

tett inntil meg

- og slepp dei ikkje,

- eg held dei

  og dei held meg

Sorga over 

- dei som plaga

- og som berre snudde ryggen til

dei som drog

- og dei som døydde

   - dei som berre forsvann

Eg gøymer meg i sorgene

- for å tåle at det kjem nye

(for dei kjem, eg veit)

For å forstå dei som lir

Kanskje for å vere ein ven

- men nærast ven 

er eg med dei

som eg gøymer 

- sorgene i livet mitt.

Tida lækjer mange sår

- vatn slettar spor i sanda...