Totalt antall sidevisninger

lørdag 9. mars 2013

Eit litt meir nyansert syn på feminismen

For somme er det kanskje dagen derpå! Det er iallfall dagen etter kvinnedagen, og det er muleg å jenke ned kraftutbrotet mitt i går til eit litt meir nyansert syn i dag!
Eg fekk - heldigvis - nokre tilbakemeldingar på innlegget mitt, men det var på facebook, så det var ikkje alle som kunne lese dei.

Sjølvsagt ser eg trekk ved den feministiske ideologien som er viktige i samfunnet! I følgje Wikipedia handlar feminisme om å definere dei grunnleggjande politiske, økonomiske og sosiale rettar for kvinner (omsett frå den engelske utgåva), og eg vonar verkeleg det ikkje fins kvinner som meiner det er uviktig! Og sjølvsagt ser også eg at spesielt vi i den vestlege verda har ein kamp å ta for våre medsøstre i andre delar av verda! At ein stiller på lik linje som menn i utdanning og arbeidsliv er faktisk viktig!

Grunnen til at eg tek fram dei store bokstavane, slik eg gjorde i går, er ganske enkel! Eg liker ikkje den måten dei sosialistiske feministane har lagt sin hevd på dagen gjennom måten dei definerer den som sin!  Og eg meiner verkeleg at eg ikkje liker at andre kjem og skal nærmast tre ned over hovudet på meg si meining om korleis eg skal løyse mitt familieliv! Akkurat så eg ikkje hadde nok bekymringar i frå før... Og akkurat som at eg er så "haulaus" at eg ikkje kan å tak meg av borna mine!

Det som er spørsmålet, slik eg tenkjer det, er: Kan ein ha ein politisk nøytral kvinnedagmarkering? Kan ein fokusere på dei viktige sakene som treng fokus utan å farge det enten raudt, blått, grønt eller gult? Kan ein feire kvinna og hennar plass og rolle i samfunnet utan å skulle finne ei eller anna barrikade å stå på?
Her trur eg svaret er ja! Men då må det vere det som er agendaen! For slik kvinnedagen markerast i dag, er det ei fortsetjing av det raudstrømpene starta på på midten av 70-talet. Slik det framstår for meg, er deira agenda å fortelje at dei veit det som er den fulle sanninga for alle!

Det er denne framstillinga eg ikkje liker! Og ikkje minst det at mange raudstrømper trur dei må framstille sine feministiske meiningar på ein så utruleg banal og vulgær måte! Kvifor må Helle Gannestad kalle kronikken sin i studentavisa Universitas denne veka for "Feministfitter"? Fann ho ikkje noka betre ord å beskrive si "heilage tru" på? For meg er ei slik vulgærbeskriving å trampe på kvinna og hennar seksualitet meir enn å heidre! Og det er nokså langt i frå den feminismen eg vil identifisere meg med!

På same måten er det einskilde som blir trekte fram i debattar og slikt for å tale kristenfolkets sak, og det er ofte kristne som eg ikkje identifiserer meg med! Og det gjer det vanskeleg å kalle seg kristen! Eg vil ikkje bli sett i same bås som dei som framstiller det å vere kristen og det å ha ei kristen tru på ein anleis måte enn det som kjennes rett for meg!

Tilbake til Wikipedia: I går skreiv eg det eg kalte eit antifeministisk innlegg! I følgje Wikipedia er antifeminisme det å vere fiendtleg innstilt til seksuell likestilling og til forsvar av kvinners rettar. Ut frå den definisjonen er eg nok ikkje spesielt antifeminim, for eg og vil gjerne bruke mi politiske rolle til å tale varmt for kvinners plass i samfunn- og yrkesliv! Men eg blir antifeminim i møtet med sosialfeminismen! Eg er fiendtleg innstilt til måten sosialistane framstiller feminismen, fordi i det rommet er det ikkje plass for dei mjuke verdiane! Og det er dei mjuke verdiane eg vil framheve - og det kan på mange måtar reknast som antifeminint!

2 kommentarer:

Unknown sa...

Ingunn, leste du ikke forbi overskriften på innlegget om feminisme? Det er synd at du henger deg opp i ordet og ikke i det retoriske poenget med tittelen.
Du bommer helt når du sier at vulgærbeskriving og at jeg tramper mer på kvinners seksualitet enn å hedre dem. Og tvert imot er jeg ikke som "sosialistfeministene" du beskriver. For å sitere meg selv:
"Å være feminist vil ikke nødvendigvis si at alle feminister er enige om hvilken retning kvinnekampen skal ta. Feminismen er så vid og så snever på én og samme tid – den omhandler jo ikke bare kvinnekamp, noen ser også på det som en kamp for like rettigheter for homofile og transpersoner. Og kanskje er det derfor den er så vanskelig for både kvinner og menn å la seg fange av: Fordi den er så mye mer enn bare kvinnekamp, og likevel heter feminisme. Jeg kjenner menn som føler seg diskriminert av «feminin», som roper: «Hvorfor kan vi ikke bare kalle det likestilling!». Kanskje har de rett. Kanskje er feminisme en isme med feil navn. Men så lenge det er en kamp fordi et kjønn blir undertrykket av et annet, så lenge det undertrykte kjønnet er kvinnen, ikke bare i Norge, men på verdensbasis, så er det riktig å kalle det feminisme."

Videre i leserinnlegget fremmer jeg et syn for en felles kulturell kamp, og sier at den er vel så viktig som den politiske. Det er merkelig om du, som så flammende skriver om at du selv føler du ikke kan kalle deg feminist, ikke finner deg enig i de poengene jeg fremmer.

Lady Ingunn sa...

Jau, Helle, eg las forbi overskrifta, men det var overskrifta eg reagerte på! Og det er fordi eg føler den/ tilsvarande titlar er ein gjengangar, og skjønnar ikkje ordbruken (truleg litt gammal i hovudet). Kritikken går med andre ord ikkje berre til deg og din kronikk, men alle som brukar tilsvarande ordbruk. Kvifor skal ein blande inn noko som har med kvinna sitt underliv å gjere for å fokusere på ei politisk sak?!
Du nemner homofile og transseksuelle. Eg synes det er merkeleg viss menn vil bruke kvinnedagen og feminismeomgrepet for å kjempe for sine rettar. Då er vi jo nærare å kalle dagen for likestillingsdagen enn kvinnedagen! At dei vil bruke dagen for å kjempe for kvinners rettar, er heilt greitt, men eg synes det blir galt å bruke dagen til å kjempe for rettar som handlar om anna form for diskriminering og likestilling!
Eg prøvde å setje fokuset på det å ha ein politisk nøytral kvinnedagmarkering - ein arena kor ein kan flytte blikket bort frå dei - til sjuande og sist - små problema vi kjempar med her til lands for å fokusere på dei som faktisk er diskriminert og undertrykt på grunn av kjønn! Viss ein kunne bruke kvinnedagen for å fokusere på og gi ei overveldande støtte til fattige og undertrykte kvinner i u-land, ville eg heilhjarta blitt med på det!

Etiketter